РАСКЛАД БАГАСЛУЖЭННЯЎ НА БЛІЖЭЙШЫЯ ДНІ:
- у панядзелак, сераду, пятніцу – святая Імша ў 18.00
- у аўторак, чацвер, суботу – святая Імша ў 10.00
- у нядзелю – святая Імша ў 8.00 і 16.30
у літургіі:
07.10.2019 – панядзелак – успамін НПМ Ружанцовай
- месяц кастрычнік – час ружанцовай малітвы.
- у Магілёве трывае перэгрынацыя копіі фігуры св. Міхала Арханёла з італьянскага санктуарыя ў Гаргана
- У сераду ў курыі архідыяцэзіі адбудзецца паседжанне камісіі па справе арганізацыі дапамогі парафіяльным супольнасцям, якія патрабуюць дапамогі. Запрашаю маліцца ў гэтай інтэнцыі.
- З нядзелі 13 кастрычніка ў Магілёве плануюць распачаць рэгулярную цэлебрацыю святой Імшы ў надзвычайнай форме Рымскага абраду на лацінскай мове. З такой ініцыятывай у адказ на просьбы вернікаў выступіў біскуп Аляксандр Яшэўскі SDB. Ініцыятыву падтрымаў Мітрапаліт Мінска-Магілёўскі арцыбіскуп Тадэвуш Кандрусевіч.
- паспрабуем распачаць заняткі катэхетычныя ў парафіі. Для дзяцей сустрэчы будзем спрабаваць рабіць па нядзелях пасля святой Імшы а 16.00; спатканні для дарослых будуць па серадах пасля святой Імшы а 18.00.
- Чарговая сустрэча «Вінаградніка» адбудзецца 12 кастрычніка ў парафіі св. Юзафа ў Оршы. Запіс абавязковы і працягваецца да 10 кастрычніка па тэл: +37529 500-40-88. «Вінаграднік» — гэта не звычайныя рэкалекцыі і не курсы Бібліі. Гэта духоўная прастора ўзрастання ў веры і цнотах, трывання ў Езусе, як у сапраўднай Лазе, і асабістых адносінаў з Айцом — сапраўдным Вінаградарам.
- Сёння – дзень нараджэння ў Сяргея Берэснева, Ількевіч Дануты.
- 4-30 кастрычніка 2019 года пройдзе Перапіс насельніцтва Рэспублікі Беларусь. Перапіс насельніцтва — працэс збору, абагульнення, ацэнкі, аналізу і публікацыі дэмаграфічных, эканамічных і сацыяльных дадзеных аб насельніцтве, якое пражывае на адпаведны момант часу ў краіне альбо на яе выразна абмежаванай частцы.
- Дзякуй за клопат аб чысціні святыні, за іншую дапамогу ў розных справах.
- Вялікі дзякуй за дар супольнай малітвы. Няхай Госпад блаславіць Вам усім падчас працы, вучобы, іншых штодзённых клопатах!
