РАСКЛАД БАГАСЛУЖЭННЯЎ
НА БЛІЖЭЙШЫЯ ДНІ:
- у панядзелак, аўторак, сераду – святой Імшы ў капліцы не будзе
- у чацвер – Імша Вячэры Пана – 19.00
- у пятніцу – Літургія Мукі Пана – 19.00
- у суботу – Пасхальная Вігілія – 21.00
- у нядзелю – 16 красавіка – Нядзеля Уваскрасення Пана – святая Імша ў 10.00 і 16.00.
- 13-16 красавіка – Святы Пасхальны Трыдуум - асаблівы час. «Пасхальны Трыдуум Мукі і Уваскрасення Пана пачынаецца з вечаровай Імшы Вячэры Пана, мае свой цэнтр ў Пасхальнай вігіліі і завяршаецца Нешпарамі нядзелі Уваскрасення».
Вялікі чацвер
Успамінаецца ўстанаўленне Сакрамэнту Эўхарыстыі і наказ Хрыста аб братняй любові, дадзены на Апошняй Вячэры.
Вялікая пятніца Мукі Пана
Дзень сціслага посту. У другой палове дня цэлебруецца літургія Мукі Пана, цэнтральнай часткай якой з’яўляецца адарацыя святога Крыжа.
Вялікая субота
У Вялікую суботу Касцёл прабывае каля гробу Пана, разважаючы пра Ягоную муку і смерць, а таксама пра Яго сыходжанне ў адхлань і ў малітве і посце чакаючы Яго ўваскрасення.
Пасхальная Вігілія
У ноч з суботы на нядзелю паводле найстаражытнейшай традыцыі адбываецца чуванне (лац. вігілія) на ўшанаванне Пана. Вігілія гэтай ночы, якая з’яўляецца найважнейшай і найбольш значнай з усіх урачыстасцяў, уключае шмат прыгожых старадаўніх абрадаў.
Шчыра запрашаем ужо цяпер заплававаць час, каб прыняць удзел у супольных малітвах – бо менавіта ў гэтым заключаецца сапраўдны сэнс святкавання Пасхі.
- Прыпамінаем аб тым, што касцёльныя наказы заахвочваюць нас да паяднання з Богам у гэты святы час, які наступае: “Прынамсі раз у год прыступіць да сакрамэнту пакаяння. Прынамсі раз у год, у Велікодны перыяд, прыняць св. Камунію”.
- Падрыхтоўка капліцы да велікодных святаў – у сераду.
- 13 красавіка – а 11.00 – Імша Хрызма ў Магілёўскай конкатэдры.
- Вялікая падзяка за клопат аб чысціні капліцы напрацягу мінулага тыдня. Запрашаем і далей далучацца да гэтай добрай ініцыятывы, бо гэта – нашая агульная справа.
- Дзякую за дар супольнай малітвы. Няхай Госпад блаславіць Вам усім падчас працы, вучобы, іншых штодзённых клопатах!
