На гэтым тыдні ў літургіі адзначаем:
15 кастрычніка (аўторак): успамін св. Тэрэзы ад Езуса, панны і доктара Касцёла.
17 кастрычніка (чацвер) – успамін св. Ігнацыя з Антыёхіі, біскупа і мучаніка.
18 кастрычніка (пятніца) – свята св. Лукі, евангеліста.
расклад святых Імшаў і набажэнстваў на бліжэйшыя дні:
у панядзелак – у 9.00 – святая Імша і ружанцовае набажэнства;
у аўторак святой Імшы і ружанцовага набажэнства ў капліцы не будзе;
у сераду, чацвер, пятніцу, суботу – у 18.00 – святая Імша і ружанцовае набажэнства;
у наступную нядзелю – у 15.30 – святая Імша і ружанцовае набажэнства.
Месяц кастрычнік – гэта месяц, у якім мы асаблівым чынам просім заступніцтва Найсвяцейшай Дзевы, разважаючы таямніцы святога Ружанца. Запрашаем у буднія дні, а таксама канешне, у нядзелю - да супольнай малітвы, як у капліцы, так і ў сем’ях. Ружанец у капліцы будзе адбывацца пасля святых Імшаў.
Святая Імша ў наступную нядзелю будзе служыцца як складковая за нашыя сем’і. Калі ласка, вялікая просьба падрыхтаваць карткі з імёнамі і прозвішчамі нашых блізкіх.
Сёння перажываем Марыйны дзень ў нашай архідыяцэзіі, пасля святой Імшы памолімся асаблівай малітвай - актам прысвячэння Беларусі Беззаганнаму Сэрцу Марыі.
У бліжэйшы час у нашым парафіяльным доме распачнуцца некаторыя рамонты: перад усім перагледзім электраправодку, а таксама заменім старыя вокны на шклопакеты. Шчыра дзякую усім за падтрымку ў гэтай справе.
Вялікая просьба, наколькі гэта магчыма, дапамагчы ў прывядзенні ў парадак тэрыторыі, якая нам прыналежыць, асабліва гэта датычыцца кветнікаў, а таксама вінаграднага куста.
Дзякую Вам, дарагія браты і сёстры, за супольную малітву. Няхай Добры Бог узнагародзіць вашую шчодрасць і дабрыню. Добрага перажывання нядзелі і плённых дзён працы!
тэл: 8-029-880-99-19 (кс. Андрэй)
