У сувязі з эпідэміялагічнай сітуацыяй, выкліканай пандэміяй каранавірусу, клапоцячыся пра вернікаў Мінска-Магілёўскай архідыяцэзіі пастанаўляю, што пастырскае наведванне сем’яў з благаслаўленнем дамоў і кватэр (т.зв. каляда) можа адбывацца наступным чынам:
- па запрашэнні канкрэтнай сям’і ці асобы з захаваннем рэкамендацый Міністэрства аховы здароў’я і раней выдадзеных распараджэнняў касцёльных уладаў;
- у сітуацыях, дзе адбываецца благаслаўленне асобна стаячых дамоў, паводле разважлівага меркавання пробашчаў, наведванне можа адбывацца на адкрытым паветры каля дамоў паасобных вернікаў з захаваннем сацыяльнай дыстанцыі;
- у сітуацыях, дзе адбываецца благаслаўленне кватэр у шматкватэрных дамах, а таксама паасобных дамоў, паводле разважлівага меркавання пробашчаў, можна запрасіць вернікаў з канкрэтнай вуліцы або некалькі вуліц парафіі на адмысловае набажэнства да касцёла.
- У гэтых выпадкахадбываецца благаслаўленне вады (і крэйды), якую вернікі прыносяць самі, каб затым акрапіць сваё жыллё і зрабіць адпаведны надпіс.
З благаслаўленнем
Арцыбіскуп Тадэвуш Кандрусевіч
Мітрапаліт Мінска-Магілёўскі
Мінск, 28 снежня 2020г.
