Вернікі розных хрысціянскіх канфесій са святымі выявамі і Бібліямі ў руках стаялі ў ціхай малітве поплеч: праваслаўныя, католікі, пратэстанты… Да іх далучаліся таксама тыя, хто толькі шукае свой шлях да Бога — адзінай крыніцы жыцця, любові і сапраўднага шчасця.
Шлях да Бога вядзе праз пакаянне і прабачэнне. Каючыся ў грахах мінулых і сённяшніх, прабачаючы, бачачы ў іншых людзях сваіх братоў і сясцёр, мы, беларусы, разам з уваскрослым Хрыстом перамагаем зло, аддаляемся ад яго і набліжаемся да Бога.
Толькі ў Ім, Стварыцелю і Збаўцы чалавека, мы вяртаем сабе сваю сапраўдную годнасць — найвышэйшую годнасць Божых дзяцей, растаптаць якую не ў сілах ніякі ўціск і пераслед.
Калі Бог з намі, хто супраць нас?!
Фотарэпартаж глядзець тут
Крыніца: www.catholic.by
