Прадстаўнік Святога Пасаду прыме ўдзел у спатканні духавенства Магілёўскага і Бабруйскага дэканатаў, якое пройдзе пад кіраўніцтвам арцыбіскупа Тадэвуша Кандрусевіча, Мітрапаліта Мінска-Магілёўскага. Сустрэча адбудзецца ў конкатэдральнай парафіі Унебаўзяцця Найсвяцейшай Панны Марыі і св. Станіслава г. Магілёва.
У праграме візіту арцыбіскупа на 4 лютага запланавана сустрэча з губернатарам Магілёўскай вобласці Уладзімірам Даманеўскім, а таксама з архіерэем праваслаўнай Магілёўскай і Мсціслаўскай епархіі Сафроніем.
Плануецца таксама, што Апостальскі Нунцый наведае музей гісторыі Магілёва ў гарадской ратушы і парафію Св. Антонія Падуанскага.
5 лютага іерарх узначаліць святую Імшу а 11.00 у магілёўскай конкатэдры і сустрэнецца з вернікамі.
