26 і 27 кастрычніка фігура Маці Божай наведала і нашую супольнасць у Горках.

 

Вечарам тыя, хто мог, сабраліся на супольную малітву, каб прасіць заступніцтва Багародзіцы. Кс. Андрэй заахвоціў удзельнікаў багаслужэння прасіць дапамогі Маці Божай асаблівым чынам ў інтэнцыі адраджэння Каталіцкага Касцёла на магілёўскай зямлі.

 

Кс. Аляксандр Шупенька, дзякуючы ахвярнасці якога фігура прыбыла ў нашую парафію, у гамаліі звярнуў увагу на тое, аб чым прасіла і заклікала Багародзіца падчас Фацімскіх аб’яўленняў.

 

Раніцай ад 9.00 была магчымасць прыватнай малітвы перад фігурай. Пасля ў ружанцовай малітве мы разважалі над таямніцамі жыцця на зямлі Ісуса Хрыста, а пасля падчас Эўхарыстыі дзякавалі Добраму Госпаду за дар наведвання каталіцкай супольнасці фігурай Маці Божай з Фацімы.

 

У другой палове дня фігура вырушыла ў суседні каталіцкі прыход – парафію Ўнебаўзяцця Найсвяцейшай Дзевы Марыі ў Мсціславе.

 

Фотаздымкі: Аляксандр Храмко (www.horki.info), кс. Андрэй

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

joomlamodniyportal.ru