парафія Маці Божай Бялыніцкай г. Горкі

За катэхізацыю, за пастаяннае выхаванне веры адказвае ўся хрысціянская супольнасць з улікам асаблівай адказнасці кожнага яе члена, а таксама таго, каго катэхізуюць (Статуты, 399).

Парафія - гэта найболыш значнае месца, дзе фармуецца і жыве хрысціянская супольнасць так, што становіцца арганізаваным Божым людам, адкрытым на паслугу слова, якая адначасова з’яўляецца навучаннем, выхаваннем і жывым досведам.

Таму няма нічога дзіўнага, што амаль ў кожнай каталіцкай парафіі арганізуюцца шматлікія разнастайныя спатканні, якія, без сумненняў, дапамагаюць узрастаць у веры кожнаму, хто гэтага жадае.

Нажаль, на сённяшні дзень тзв. “Нядзельная школа” у горацкай парафіі знаходзіцца на стадыі арганізацыі.

З Божай дапамогай у 2016 годзе хочам распачаць катэхетычныя заняткі для дзяцей.

Па ўсіх пытаннях звяртайцеся да душпастыра парафіі (+37529 880 99 19 – кс. Андрэй)

Душпастырская дзейнасць Касцёла –  гэта працэс выхавання ў веры, які вядзе да таго, каб вера фарміравала і напаўняла жыццё чалавека, яго працу, сямейнае і грамадскае жыццё. (Статуты Сіноду Мінска-Магілёўскай архідыяцэзіі, Пінскай і Віцебскай дыяцэзій, п. 779).

“Сужэнская любоў - знак вечнай Любові, якая нас стварыла, і ласка якой асвятляе жаданне мужчыны і жанцыны ўзаемна прысвяціць сябе ў сужэнскім жыцці.”

Бэнедыкт XVI

Бог стварыў мужчыну і жанчыну па свайму вобразу і падабенству і паклікаў іх перадаваць наступным пакаленням новае жыццё як плён узаемнай любові сужэнцаў і як праяўленне любові Бога Творцы. Ад пачатку гісторыі чалавецтва сужэнства з’яўлялася святым саюзам, а Хрыстос нават   узвысіў яго да годнасці сакрамэнту.

У сакрамэнце сужэнства мужчына і жанчына заключаюць саюз для   супольнага жыцця, а таксама атрымліваюць Божую ласку для належнага   выканання сужэнскіх абавязкаў, а асабліва для добрага выхавання патомства.

У нашай парафіі падрыхтоўка да сакраманту сужэнства адбываецца падчас індывідуальных сустрэч са святаром. Цыкл уключае ў сабе 7 спатканняў, падчас якіх нарачоныя пазнаюць навучанне Касцёла адносна сужэнства і сям’і:

Сустрэча 1. Этапы развіцця любові. Сужэнства паводле Божага намеру. Асноўныя хрысціянскія малітвы.

Сустрэча 2. Годнасць чалавечай асобы. Адказнае бацькоўства. Божыя запаведзі і касцёльныя наказы.

Сустрэча 3. Будаванне сужэнскай супольнасці. Апостальскі Сімвал веры.Галоўныя праўды веры. 

Сустрэча 4. Пагрозы для сужэнства. Сакраманты хрысціянскага ўтаямнічання (Хрост. Канфірмацыя, Эўхарыстыя).

Сустрэча 5. Рэлігійнае жыццё ў сям’і. Сакраманты аздараўлення (Пакаянне, Намашчэнне хворых).

Сустрэча 6. Літургія сакраманту сужэнства. Сакрамэнты служэння хрысціянскай супольнасці.

Сустрэча 7. Размова з душпастырам.

Атрымаць дадатковую інфармацыю можна таксама па тэлефоне: +375298809919 (кс. Андрэй)