На гэтым тыдні расклад багаслужэнняў будзе наступны:

• у панядзелак, сераду, пятніцу - святая Імша ў 18.00
• у аўторак – святая Імша у 10.00
• у чацвер – у 19.00
• у нядзелю – святая Імша ў 16.00

у літургіі успамінаем:

• 19.06. – урачыстасць Найсвяцейшага Цела і Крыві Хрыста (Божае Цела). Ва ўрачыстасць Божага Цела Касцёл складае падзяку Збаўцу за дар Найсвяцейшага Сакрамэнту, у якім Ён сам прабывае для свайго народа.
• 21.06. – успамін св. Алаізія, законніка. Нарадзіўся 9 сакавіка 1568 г. на поўначы Італіі. Глыбокая пабожнасць і суровы лад жыцця спалучаліся ў Алаізія з вялікаю любоўю да хворых і да ўсіх, каму была патрэбная дапамога. Падчас эпідэміі чумы, якая лютавала ў Рыме, ён аддана дапамагаў хворым і клапаціўся пра годнае пахаванне тых, хто загінуў ад пошасці. У выніку Алаізій заразіўся сам і памёр 21 чэрвеня 1591 г. ва ўзросце 23 гадоў. Святы Алаізій Ганзага з’яўляецца апекуном моладзі і студэнтаў, а таксама тых, хто выбірае свой жыццёвы шлях. Яго заступніцтва просяць пры заразных хваробах і хваробах вачэй.

у нашай парафіі адбываюцца чэрвеньскія набажэнствы – штодзённая малітва Літаніяй да да Найсвяцейшага Сэрца Езуса Хрыста.

У наступную нядзелю, 22 чэрвеня, у Магілёве плануецца працэсія Божага Цела вуліцамі горада. Пачатак – святая Імша ў 11.00 у катэдры.

Дзякую Вам, дарагія браты і сёстры, за супольную малітву. Няхай Добры Бог узнагародзіць вашую шчодрасць і дабрыню. Добрага перажывання нядзелі і плённых дзён працы.

тэл: 8-029-880-99-19 (кс. Андрэй)