У гэтым святле мэта цяперашняга Сіноду — выслухаць як увесь Божы народ, што Святы Дух кажа Касцёлу. Мы робім гэта слухаючы Слова Божае ў Пісанні і жывой Традыцыі Касцёла, а потым слухаючы адно аднаго, а асабліва тых, хто знаходзіцца на перыферыі, распазнаючы прыкметы часу. Фактычна ўвесь сінадальны працэс накіраваны на фарміраванне жывога досведу праніклівасці, удзелу і сумеснай адказнасці, дзе разнастайныя дары аб’ядноўваюцца для місіі Касцёла ў свеце.
мэтай гэтага сінадальнага працэсу з’яўляецца шлях сапраўднага ўзрастання да еднасці і місіі, якімі Бог заклікае Касцёл жыць у трэцім тысячагоддзі.
Гэтае сумеснае падарожжа заклікае нас абнавіць свой менталітэт і нашыя касцёльныя структуры, каб рэалізаваць Божы заклік да Касцёла сярод сучасных знакаў часу. Слуханне ўсяго Божага народа дапаможа Касцёлу прымаць пастырскія рашэнні, якія максімальна адпавядаюць Божай волі (ITC, Сін., 68) Канчатковая перспектыва, якая кіруе гэтым сінадальным шляхам Касцёла — служыць дыялогу Бога з чалавецтвам (DV, 2) і разам ісці да Божага Валадарства (пар. LG, 9; RM, 20). У рэшце рэшт, гэты сінадальны працэс накіраваны на набліжэнне да Касцёла, што больш плённа для служэння нябеснаму Валадарству, якое надыходзіць.
Крыніца: ВАДЭМЭКУМ ДЛЯ СІНОДУ НА ТЭМУ СІНАДАЛЬНАСЦІ, с. 9.
