^Наверх

Суббота, 24 Июнь 2017 19:49

Запрашаем прыняць удзел у Будслаўскім фэсце!

Автор 
Оцените материал
(0 голосов)

Будслаўскі фэст — штогадовы фэст, які з'яўляецца істотным чыннікам ушанавання абраза Маці Божай, які захоўваецца ў касцёле Унебаўзяцця Найсвяцейшай Дзевы Марыі ў в. Будслаў Мядзельскага раёна Мінскай вобласці. Абраз славіцца шматлікімі цудамі, а Будслаў вядомы як месца яўлення вернікам Найсвяцейшай Дзевы Марыі, якое, па легендзе, адбылося 2 ліпеня 1588 г.

У гэтым годзе Будслаўскія ўрачыстасці адбудуцца 30 чэрвеня - 1 ліпеня.

На фэст у Будслаў з'язджаюцца, як правіла, усе біскупы Каталіцкай Царквы Беларусі, вялікая колькасць святароў і прадстаўнікі самых розных манаскіх ордэнаў. Абавязкова ўдзельнічае ва ўрачыстасцях Апостальскі нунцый у Беларусі. Прыязджаюць у Будслаў прадстаўнікі Грэка-Каталіцкага (уніяцкага) духавенства і Праваслаўнай Царквы, а таксама іерархі іншых краін, прадстаўнікі ўрада і мясцовага кіраўніцтва.

Праграма свята ўключае сустрэчу і прывітанне паломнікаў святарамі, Святыя Імшы, якія ідуць адна за адной, начную працэсію са свечкамі, маладзёжнае малітоўнае чуванне, пакланенне найсвяцейшым дарам, гадзіны малітвы Маці Божай, святы Ружанец, літанію да Божай Маці і інш.

З нашай парафіі плануецца невялікае вандраванне ў Будслаў.

 

Выезд з Горак – 30 чэрвеня а 17.00;

Вяртанне – 1 ліпеня а 8.00.

 

Падчас пілігрымкі мы прымем удзел м.інш. у начной працэсіі з фігурай Маці Божай Фацімскай,  а таксама ва ўрачыстай Эўхарыстыі.

 

Колькасць месцаў – абмежаванае. Ахвяраванне за ўдзел – 5,00 рублёў (па-магчымасці). Жадаючых прыняць удзел ужо як найхутчэй просім звяртацца да душпастыра.

Прочитано 830 раз

Наведвальнікі

4193738
Сёння
Учора
За тыдзень
Мінулы тыдзень
За месяц
Мінулы месяц
Усяго
418
4846
7145
4163770
79486
103734
4193738
Your IP: 54.174.51.80
Server Time: 2019-06-25 01:18:59
Счетчик joomla

Нашы сябры

 mkby3

kkbb

rvby

3

  Copyright © 2019 Парафія Маці Божай Бялыніцкай г. Горкі  Усе правы абаронены.